రామ రహస్య ఉపనిషత్

• సనకాది ఋషులు, ప్రహ్లాదాది విష్ణుభక్తులు రామతత్త్వము గురించి పరిప్రశ్నించగా హనుమంతుడు ఈ ఉపనిషత్ చెప్పెను.
  
  
• బ్రహ్మవాదులచే ఉపాసించబడునది మఱియు సర్వ విద్యలకు, సర్వ శక్తులకు మూల తత్త్వము అయినది ఏది? అనగా - రాముడే పరబ్రహ్మ, రాముడే పరంతపము, రాముడే పరతత్త్వము, శ్రీరాముడే తారకబ్రహ్మము.
  
  
• రామ (తత్త్వ) అంగములు వివరించబడినవి.
  
  
• ఎవరికైతే షడక్షర (ఓం-న-మః-శి-వా-య) మంత్రమునకు గురూపదేశముచే అధికారము కలదో వారే ఓంకార ప్రణవమునకు అధికారం కలవారు, అంతే కాని ఇతరులు కారు. కనుక (ప్రత్యేకముగా గురువుచే ఉపదేశింపబడనివారికి) బ్రాహ్మణులకు, గృహస్థులకు రామ మంత్రము జపించుట ఓంకార ప్రణవ మంత్రము జపించు ఫలము లభించును.
  
  
• రామ నామ మహిమ చెప్పబడినది. ఎవరు నిత్యము ప్రణవ భావముతో రామ నామములు శ్రద్ధగా, ప్రీతితో జపించుదురో వారు రామ పరబ్రహ్మ సామ్యరూప స్వాత్మానుభవము పొందెదరు.
  
  
• రాముని మంత్ర సముదాయము వివరించబడినది. ప్రతి మంత్రమునకు ఋషి, ఛందస్సు, దేవత, బీజము, కర హృదయ షడంగ న్యాసములు మఱియు ధ్యానము చెప్పబడినవి.
  
  
• రామ మంత్ర సముదాయము :-
  
  
  1. ఏకాక్షర మంత్రము = రాం. ఇది ఓం అనుదానికి శబ్దార్థరూప సమానము. రాం అని జపిస్తూ ఉండగా చిత్త వాసనలు త్యజించి, మనస్సు తన మూల శక్తియైన స్వాత్మయందు లయించును.
  2. రెండు అక్షరముల మంత్రము = రామః
  3. మూడు అక్షరముల మంత్రములు = ఓం రామః, హ్రీం రామః, శ్రీం రామః, క్లీం రామః, ఐం రామః, రాం రామః
  4. నాలుగు అక్షరముల మంత్రములు = రామచంద్రః, రామభద్రః
  5. ఐదు అక్షరముల మంత్రము = రామాయ నమః
  6. ఆరు అక్షరముల మంత్రములు = రాం రామాయనమః, క్లీం రామాయనమః, హ్రీం రామాయనమః, ఐం రామాయనమః, శ్రీం రామాయనమః, ఓం రామాయనమః. ఈ రామ మంత్రములకు చివరలో నమః లేదా స్వాహా లేదా హుంఫట్ చేర్చవచ్చును.
  7. ఏడు అక్షరముల మంత్రములు = రామచంద్రాయనమః, రామభద్రాయనమః.
  8. ఎనిమిది అక్షరముల మంత్రములు = ఓం రామచంద్రాయనమః, ఓం రామభద్రాయనమః, హ్రీం రామచంద్రాయనమః, హ్రీం రామభద్రాయనమః, శ్రీం రామచంద్రాయనమః, శ్రీం రామభద్రాయనమః, క్లీం రామచంద్రాయనమః, క్లీం రామభద్రాయనమః, ఐం రామచంద్రాయనమః, ఐం రామభద్రాయనమః, రాం రామచంద్రాయనమః, రాం రామభద్రాయనమః. శ్రీ బీజముతో కూడి శక్తిబీజములు జతపఱచిన రామ మంత్రములు తరింపచేయునదిగా తెలిసుకొనవలెను - ఓం శ్రీరామచంద్రాయనమః, ఓం శ్రీరామభద్రాయనమః - మొదలగునవి. గ్లౌం, ఓం, మాయా (హ్రీం) బీజములుతో రామాయ మఱియు హృదయము (నమః) జతపఱచి పునశ్చీకరణము (repeated combinations) చేసినచో అవి శివోమారామ మంత్రములు అనబడునవి - ఓం శ్రీం శ్రీం రామాయ నమః, ఓం హ్రీం రామాయ నమః, గ్లౌం శ్రీం శ్రీరామాయ నమః, గ్లౌం హ్రీం రామాయ నమః - మొదలగునవి. ఇవి స్వర్ణమయ ఐశ్వర్యములు ప్రసాదించునవి. "శ్రీరామః శరణం మమ" అనే ఈ అష్టాక్షరమంత్రమునే సర్వదా జపించదగినది.
  9. తొమ్మిది అక్షరముల మంత్రములు = ఓం రామచంద్రాయనమః ఓం, ఓం రామభద్రాయనమః ఓం
  10. పది అక్షరముల మంత్రములు = జానకీ వల్లభాయ హుం స్వాహా, రామాయ ధనుష్పాణయే స్వాహా
  11. పదకొండు అక్షరముల మంత్రములు = ఓం రామాయ ధనుష్పాణయే స్వాహా, హ్రీం రామాయ ధనుష్పాణయే స్వాహా, శ్రీం రామాయ ధనుష్పాణయే స్వాహా, క్లీం రామాయ ధనుష్పాణయే స్వాహా, ఐం రామాయ ధనుష్పాణయే స్వాహా, రాం రామాయ ధనుష్పాణయే స్వాహా
  12. పన్నెండు అక్షరముల మంత్రములు = ఓం హ్రీం భరతాగ్రజ రామ క్లీం స్వాహా, ఓం నమో భగవతే రామచంద్రాయ, ఓం నమో భగవతే రామభద్రాయ
  13. పదమూడు అక్షరముల మంత్రము = శ్రీరామ జయరామ జయ జయ రామ
  14. పద్నాలుగు అక్షరాల మంత్రములు = ఓం శ్రీరామ జయరామ జయ జయ రామ, హ్రీం శ్రీరామ జయరామ జయ జయ రామ, శ్రీం శ్రీరామ జయరామ జయ జయ రామ, క్లీం శ్రీరామ జయరామ జయ జయ రామ, ఐం శ్రీరామ జయరామ జయ జయ రామ, రాం శ్రీరామ జయరామ జయ జయ రామ
  15. పదిహేను అక్షరాల మంత్రము = శ్రీరామ జయరామ జయ జయ రామ రామ
  16. పదహారు అక్షరాల మంత్రము = నమః సీతాపతయే రామాయ హన హన హుం ఫట్
  17. పదిహేడు అక్షరాల మంత్రములు = ఓం నమః సీతాపతయే రామాయ హన హన హుం ఫట్, హ్రీం నమః సీతాపతయే రామాయ హన హన హుం ఫట్, శ్రీం నమః సీతాపతయే రామాయ హన హన హుం ఫట్, క్లీం నమః సీతాపతయే రామాయ హన హన హుం ఫట్, ఐం నమః సీతాపతయే రామాయ హన హన హుం ఫట్, రాం నమః సీతాపతయే రామాయ హన హన హుం ఫట్. [హుం ఫట్ చేయువాడు అనగా అజ్ఞానముచే కలుగు భయము, దుఃఖములను తొలగించువాడు]
  18. పద్దెనిమిది అక్షరాల మంత్రము = ఓం నమో భగవతే రామాయ మహా పురుషాయ నమః
  19. పంతొమ్మిది అక్షరాల మంత్రములు = ఓం శ్రీం నమో భగవతే రామాయ మహా పురుషాయ నమః, ఓం హ్రీం నమో భగవతే రామాయ మహా పురుషాయ నమః, ఓం క్లీం నమో భగవతే రామాయ మహా పురుషాయ నమః, ఓం ఐం నమో భగవతే రామాయ మహా పురుషాయ నమః
  20. ఇరవై అక్షరాల మంత్రము = ఓం నమో భగవతే రామాయ సర్వ సౌభాగ్యం దేహి మే స్వాహా
  21. ఇరవై ఒకటి అక్షరాల మంత్రము = ఓం నమో భగవతే రామాయ సకలాపన్నివారణాయ స్వాహా
  22. ఇరవై రెండు అక్షరాల మంత్రము = ఓం శ్రీం రాం దాశరథాయ సీతావల్లభాయ సర్వాభీష్టదాయ నమః
  23. ఇరవై మూడు అక్షరాల మంత్రము = ఓం నమో భగవతే వీర రామాయ సకల శత్రూన్ హన హన స్వాహా
  24. ఇరవై నాలుగు అక్షరాల మంత్రము = ఓం నమో భగవతే శ్రీరామాయ తారక బ్రహ్మణే మాం తారాయ నమః ఓం
  25. ఇరవై ఐదు అక్షరాల మంత్రము = క్లీం ఓం నమో భగవతే రామచంద్రాయ సకల జన వశ్యకరాయ స్వాహా
  26. ఇరవై ఆరు అక్షరాల మంత్రము = ఓం క్లీం ఓం నమో భగవతే రామచంద్రాయ సకల జన వశ్యకరాయ స్వాహా
  27. ఇరవై ఏడు అక్షరాల మంత్రము = ఓం క్లీం ఓం నమో భగవతే రామచంద్రాయ సకల జన వశ్యకరాయ స్వాహా ఓం
  28. ఇరవై ఎనిమిది అక్షరాల మంత్రము = ఓం నమో భగవతే రక్షోఘ్న విశదాయ సర్వవిఘ్నాన్ నివారాయ నివారాయ స్వాహా
  29. ఇరవై తొమ్మిది అక్షరాల మంత్రము = ఓం నమో భగవతే రక్షోఘ్న విశదాయ సర్వవిఘ్నాన్ నివారాయ నివారాయ స్వాహా ఓం
  30. ముప్పది అక్షరాల మంత్రము = రాం ఓం నమో భగవతే రక్షోఘ్న విశదాయ సర్వవిఘ్నాన్ నివారాయ నివారాయ స్వాహా ఓం
  31. ముప్పది ఒకటి అక్షరాల మంత్రము = రాం ఓం నమో భగవతే రక్షోఘ్న విశదాయ సర్వవిఘ్నాన్ నివారాయ నివారాయ స్వాహా ఓం రాం
  32. ముప్పది రెండు అక్షరాల మంత్రము = రామభద్ర మహేష్వాస రఘువీర నృపోత్తమ | భో దశాస్యాంతకాస్మాకం (దశస్య అంతక! అస్మాకం) శ్రియం దాపయ దేహి మే ||
  33. రామ గాయత్రీ మంత్రము = దాశరథాయ విద్మహే సీతావల్లభాయ ధీమహి, తన్నో రామః ప్రచోదయాత్
  34. బీజాద్య రామ గాయత్రీ మంత్రము = ఓం హ్రీం రాం క్లీం దాశరథాయ విద్మహే సీతావల్లభాయ ధీమహి, తన్నో రామః ప్రచోదయాత్
  35. నలుబది ఏడు అక్షరాల మంత్రము = ఓం నమో భగవతే రఘునందనాయ! రక్షోఘ్న విశదాయ మధుర! ప్రసన్న వదనాయ అమిత తేజసే! బలరామాయ విష్ణవే నమః ఓం ||
  36. సీతా షడక్షర మంత్రము = శ్రీం సీతాయై స్వాహా
  37. లక్ష్మణ సప్తాక్షర మంత్రము = లం లక్ష్మణాయ నమః
  38. భరత సప్తాక్షర మంత్రము = భం భరతాయ నమః
  39. శత్రుఘ్న సప్తాక్షర మంత్రము = శం శత్రుఘ్నాయ నమః
  40. హనుమంతుని సప్తాక్షర మంత్రము = హృం హనుమతే నమః
      
      
• రామ అష్టాక్షర మంత్రములు :- "శ్రీరామః శరణం మమ" అనే ఈ అష్టాక్షరమంత్రమునే సర్వదా జపించదగినది. ఈ అష్టాక్షర మంత్రము బాగుగా ఏడు విధములుగా చెప్పబడినది -
  
  
  1. ఓం రామచంద్రాయ నమః, ఓం రామభద్రాయ నమః
  2. హ్రీం రామచంద్రాయ నమః, హ్రీం రామభద్రాయ నమః
  3. శ్రీం రామచంద్రాయ నమః, శ్రీం రామభద్రాయ నమః
  4. క్లీం రామచంద్రాయ నమః, క్లీం రామభద్రాయ నమః
  5. ఐం రామచంద్రాయ నమః, ఐం రామభద్రాయ నమః
  6. రాం రామచంద్రాయ నమః, రాం రామభద్రాయ నమః
  7. శ్రీరామః శరణం మమ
     
     
• రామ అష్టాక్షర మంత్ర మహత్యము :- రామ మంత్రము కాకుండా ఇతరములైన అనేక విధములైన మంత్రములు ఎందులకు? అవన్నీ నశించిపోయే ఫలములే ఇవ్వగలిగినవి. పైగా అవి సాధించుటకు ఎంతో ఆయాస ప్రయాసలు పడవలెను. ఆ ఫలములన్నీ వృథాయే. కొంత ప్రలోభపఱచి వికటితమై చివరకు నిష్ఫలము అయి సంసార దుఃఖమును తెచ్చిపెట్టేవి. ఒకేఒక్క మంత్రముతో సర్వమంత్రముల ఫలములు ఇచ్చునది, లోభము (ఆశ) మొదలైన దోషములు జయింపచేయునది.
  
  
• రామ యంత్రము, పూజాపీఠము తయారు చేసుకొను విధానము చెప్పబడినది.
  
  
• శ్రీరామ మంత్రముల యొక్క జపముకు ఏర్పాటు విధి చెప్పబడినది.
  
  
• రామ మూలమంత్రము విధిని అనుసరించి జపించినచో అణిమ మొదలైన యోగ అష్ట సిద్ధులు (అణిమ, మహిమ, గరిమ, లఘిమ, ప్రాప్తి, ప్రాకామ్యము, ఈశత్వము, వశిత్వము) వరుని వధువు వరించినట్లుగా లభించును. కానీ ఐహిక కార్యములు సిద్ధించుట కొఱకు మఱియు మహా విపత్తులయందు ఉపయోగించకూడదు. ఈ రామమంత్రము కేవలము మోక్షసాధకము. ఐహిక సాధ్యములు పొందుట కొఱకు రామసేవకుడైన హనుమంతుని స్మరించవలెను - అని హనుమంతుడే చెప్పెను.
  
  
• రామ మంత్రార్థము :- శ్రీరామ మంత్రార్థము హనుమంతునిచే ఈ విధముగా వివరించబడినది.
  
  
  • నారాయణ అష్టాక్షరములో ("ఓం నారాయణాయ నమః" యందు "రా") మఱియు శివ పంచాక్షరములో ("ఓం నమః శివాయ" యందు "మ") ప్రాణ బీజ అక్షరములు రెండు కలిసి అది "రామ" అయినది.
    
    
  • రకారము (ర్) అగ్ని బీజాక్షరము, జ్యోతిర్మయము. "ఆ"-కారము ప్రాణము, జననస్థానముగా కూర్చబడినది. మకారము (మ్) ఉదయించుట అనే అర్థము వలన అది మాయ అని కూడా కీర్తింపబడుచున్నది. అనగా అవ్యక్తమైన చైతన్య ఆత్మయందు (ర్-కారము యందు) ఆకారము (ప్రాణం మఱియు మూర్తము) వ్యక్తమగుట - దానికి మాయ (మకారము) అని నిర్దేశింపబడుచున్నది. కావున. ఈ రామ మంత్ర శబ్ద బీజము స్వకీయమైన మాయతో కూడుకున్న పరబ్రహ్మము అని చెప్పబడుతున్నది.
    
    
• ఏ విధంగా ఐతే వట బీజమునందు ప్రకృతిపరమైన మహా వటవృక్షము అవ్యక్తరూపముగా ఉన్నదో అదే విధంగా రామ బీజమునందు ఈ చరాచరమైన జగత్ అంతా స్థితి కలిగి ఉన్నది.
  
  
• రామ మూలమంత్రము వేదాంత మహావాక్య సమానము. రా + మ = తత్ త్వం అసి = అదియే (ఆ పరబ్రహ్మమే) నీవు అయిఉన్నావు!
  
  
• "తత్ త్వం అసి" మొదలైన మహావాక్యములు కేవలము ముక్తిని ఇచ్చునవి. భుక్తిని ముక్తిని కూడా ఇచ్చునది కావున ఈ రామ మంత్రము పరమ శ్రేష్ఠము.
  
  
• మనుషులు అందరికీ రామమంత్రము జపించుటకు, రాముని ఉపాసించుటకు అధికారము కలదు.
  
  
• ఎల్లప్పుడూ "నేనే రాముడిని!" అని తాత్వికముగా ఎవరు భావించుచున్నారో వారు ఇక సంసారులు కారు, అప్పుడు రాముడే అగుదురు, ఇందులో సంశయము లేదు.
  
  

Rȃma Rahasya Upanishad
Languages: Telugu and Sanskrit
Script: TELUGU
Sourcing from Upanishad Udyȃnavanam - Volume 6
Translation and Commentary by Yeleswarapu Hanuma Rama Krishna
NOTE: Changes and Corrections to the Contents of the Original Book are highlighted in Red
REQUEST for COMMENTS to IMPROVE QUALITY of the CONTENTS: yhrkworks@gmail.com